E dua na tamani sasaga levu e dau gadrevi me vakadinata kina e dua ni vinakati me veisau na nona itovo se ivakarau.

Na tabana qo ena vakamacalataka na sala keitou rawa ni vukei iko kina ena nomu sasaga mo rawa ni dua na tagane, isa, tama se lewe ni vuvale vinaka. 

Tarogi iko mada:

• Au sa bau kailavaka se vosa kaukaua vua e dua na lewe ni nomu vuvale?
• Au sa bau mokuta, sabaka, caqeta, biliga se vakasaurarataki dua na lewe ni nomu vuvale – se tukuna mo cakava qori vua?
• Au sa bau vosa vakacacataka e dua se vakalialiai dua na lewe ni nomu vuvale? Au dau vakalewai ira tu ga?      
• Au tarovi kequ isa beka me kua ni vakayagataka na ilavo ena veika me baleti koya?

• Au sa bau vakarerei dua beka na lewe ni noqu vuvale?
• Au sa bau viritaka e dua na ka e matana se vua e dua na lewe ni noqu vuvale, me vaka na bilo, dabedabe se remote ni tivi?
• Au sa bau vakasaurarataki noqu lewe ni vale me vakayacora e dua na ivakarau ni veiyacovi e sega ni vinakata?
• Au sa bau tarovi kequ isa me kua ni cakava beka edua na ka e vinakata me cakava? (me vaka, nona lako kei ira na nona itokani, nona vinkata me cakacaka, nona vinakata me vulica e dua na ka)
• Au vakarerei noqu isa LGBTIQA+ ena noqu tukuna niu na vakaraitaka eso na itukutuku me baleti koya?

Kevaka o sauma na Io ena vica vei ira na taro qo, ena rawa ni vukei iko na veiqaravi keitou vakarautaka e volai toka e ra.

Veiqaravi e Veivuke vei ira na Tagane – 1300 766 491

Veiqaravi ena 24 na aua, 365 na siga dua na yabaki

Na Veiqravi e Veivuke vei ira na Tagane se Men’s Referral Service (MRS) ena rawa ni vakarautaka vei iko na ivakasala kei na itukutuku me baleta na porokaramu e rawa ni veisautaka na itovo se ivakarau, porokaramu vei ira na itubutubu, porokaramu me baleta na bobula ena gunu kei na wainimate gaga, veivuke ni bula kei na veivakacilitaki ena nomu yasayasa.

Na veiqaravi qori e 24 na aua, vitu na siga dua na macawa, ena yabaki taucoko  – na veivuke e tu vakarawarawa ena gauna o gadreva kina.

E tokoni cei soti na Veiqaravi ni Veivuke vei ira na Tagane?

• Me veisautaka nodra itovo o ira na tagane era vakayacora tiko na ivakarau ni veivakalolomataki.
• O ira na lewe ni vuvale era vakaleqai ena vuku ni nodra ivalavala kaukaua na tagane.
• O ira na itokani, lewe ni vuvale se cakacaka vata kei ira na rairai vakayacora tiko na ivalavala kaukaua, se tarai ira tiko na ivalavala kaukaua e vale, qai nanuma me tokoni ira.
• O ira na kenadau era vukea tiko e dua e vakayacori tiko vua na ivalavala kaukaua.

Na gauna o Veitaratara kina kei na Veiqaravi ni Veivuke vei ira na Tagane:

• Ena maroroi na veika o tukuna
• O na rogoci qai dokai
• Ena vakarautaki vei iko na itukutuku e baleta na veiqaravi e vakarautaki ena rawa ni vukei iko ena kalawa tale eso e vauca na veisau ni nomu itovo.

Mo rawata na veitokoni qirita na 1300 766 491. O rawa ni vakayagataka tale ga na veivuke sega ni saumi ni Translating and Interpreting Service (TIS National, Veiqaravi ni Vakadewataki ni Vosa) se na neitou webchat me rawa ni o veitaratara ena veiqaravi e tiko.

Veiqaravi ni Veivuke Taumada

Na Brief Intervention Service (BIS, Veiqaravi ni Veivuke Taumada) e sala ni porokaramu ni veitaratara ena talevoni ena rawa veivuke kevaka o wawa tiko mo gole ena porokaramu ni veisautaki ni itovo ni tagane. E rawa ni veivuke tale ga kevaka e sega ni vakarautaki na porokaramu qo ena vanua o vakaitikotiko kina, se kevaka o sega ni vosa Vakavalagi.

Na Veivuke Taumada e dua na porokaramu ni veivuke lekaleka ga ena talevoni ena vakayacori toka vakavica. Na porokaramu qori ena rawa ni vukei iko mo:

• kila na nomu itovo
• vulica na sala mo vakavinakataka kina na nomu ivakarau
• vulica na sala vou me rawa ni dou veimaliwai vinaka kina qai taqomaka na nomu vuvale.

Kevaka o via goleva na Veiqaravi ni Veivuke Taumada, mo na veitaratara rawa kei na Veiqaravi ni Veivuke vei ira na Tagane ena 1300 766 491. Ena tiko e dua na daunivakasala ena rogoca na nomu italanoa qai vukei iko mo rawata na Veiqaravi ni Veivuke Taumada.

O rawa ni vakayagataka tale ga na veivuke sega ni saumi ni Veiqaravi ni Vakadewataki ni Vosa) se na neitou webchat me rawa ni o veitaratara ena veiqaravi e tiko.

Maroroi kei na taqomaki ni kemu itukutuku

Na Veiqaravi ni Veivuke vei ira na Tagane kei na Veivuke Taumada e uqeti mai na Sega ni iValavala Kaukaua se No to Violence (NTV). Na Sega na iValavala Kaukaua e saga tiko me vakarautaki na veiqaravi vinaka cake kei na tutaki ni dodonu ni tamata yadua era goleva se vakayagataka na veiqaravi qo.

Ena ruku ni Lawa ni Maroroi ni iTukutuku ni 1988 (Cth), Na Sega na iValavala Kaukaua e vinakati kina me vakarautaki vei iko na itukutuku ni sala keitou na vakayagtataka kina na kemu itukutuku vakaitaukei. Na kemu itukutuku ena maroroi qai sega ni vakatakilai vua e dua vakavo ke mani leqataki kina na nomu bula kei na nodra bula eso tale, se gadrevi vakalawa me keitou wasea na itukutuku qori.

Ena gauna o veitaratara mai kina vei keitou, o na tarogi kevaka o vakadonuya me vakayagataka na itukutuku o solia me keitou rawa ni vukei iko kina.  Na itukutuku raraba ga me baleti ira era vakayagataka na neitou veiqaravi ena rawa ni vakayagataki ena vuku ni vakadidike e vakayacori se na ripote e vakarautaki – qori me vaka na levu ni tamata era qiriti keitou mai ena duidui yasana se tikina ena dua na vanua.  Ena katoni na nomu qiri qai rawa ni vakayagataki ena veivakavulici se veiterenitaki me vakavinakataki kina na veiqaravi.

Mo kila eso tale na itukutuku e vauca na nomu dodonu kei na nomu itavi qai kevaka o via wilika na lawa ni dodonu o taqomaki kina, mo rai ena https://ntv.org.au/about-us/privacy/. O rawa ni raica tale ga na itukutuku ni sala o rawa ni biuta mai kina nomu nanuma se vakauta mai na veika o kudruvaka.

Sala mo rawata kina na Veiqaravi ni Vakadewa Vosa (TIS Naitonal)

Na Veiqaravi ni Vakadewa Vosa (TIS National) e sega ni saumi, ena rawa ni vukei iko kevaka o sega ni kila na vosa Vakavalagi qai via veitaratara kei na Veiqaravi e Veivuke Vei ira na Tagane.

Ke o vinakata mo vakayagataka na Veiqaravi ni Vakadewa Vosa:

• mo qirita na 131 450 ena nomu talevoni
• tukuna vua na operator se o koya e sauma na qiri qori ni o vinakata na veivuke ni vakadewataki ni nomu vosa
• kevaka o vinakata, mo digia se tagane se yalewa o vinakata me vakadewataka nomu vosa (vakatau kevaka e tiko e dua).

O koya na operator ena semai iko vua na daunivakadewa vosa e vosataka na nomu vosa, me rawa ni vukei iko mo veitaratara kei na taba ni Veiqaravi e Veivuke vei ira na Tagane.

Kevaka o nanuma ni na sivia toka e 30 na miniti na nomu veivosaki, mo tukuna vua e vakadewataka nomu vosa me rawa ni tuvanaki me balavu toka na veitalanoa.  

Veitalanoa ena Kompiuta 

O rawa tale ga ni veitaratara ena Veiqaravi e Veivuke vei ira na Tagane ena kompiuta kevaka o vinakata mo vosa vua e dua na daunivakasala ni o vakayagataka na fomu ena initaneti.

Na gauna o sa tabaka kina na isema, ena dola vakataki koya na fomu mo volavola kina ena initaneti. Mo biuta sara kina na kemu itukutuku qai wawa toka me ratou sauma mai.

Mo nanuma toka ni veitalanoa qori ena initaneti ena caka ga vakavalagi. Kevaka o rawa ni wiliwili qai volavola Vakavalagi, o na raica qori ni veiganiti vei iko.

Na tabana e vakadewataki qo kea na veiqaravi e volai toka eke e vakailavotaka na Australian Government Department of Social Services.