Ee lööm në riɛl dït apɛi ago gam lɔn adɛ̈ ke aciëëkku kɔɔr bïk röt waar.

Apäm kënnë ee yïn guiɛ̈ɛ̈r tɛ̈n lëu bï ɣok yïn kony në kueerdun bï yïn ya mony pieth, mony de tik nɔŋ duciëŋ pieth, ku jɔl ya wun/baba de meth ka raan de baai nɔŋ aciëëk pieth. 

Thiëc rɔt:

• Nɔŋ të cï ɣɛn kɔn rel apɛi tënë raan de paanda?
• Nɔŋ të cï ɣɛn raan ë paanda kɔn nɔ̈k, ba maŋ nhom ka ba gut, ba jäp piny ka ba yup – ka ca waai aguɔ looi wuya?
• Nɔŋ të cï ɣɛn raan de paanda kɔn cɔl në rin rac ka rin ke lɛ̈ɛ̈t? Nɔŋ të ye ɣɛn keek gɔ̈k apɛi në akölriëëc ëbën?      
• Nɔŋ të cï ɣɛn tiŋdiɛ̈ kɔn pëën/gël ago wëu ciɛ̈ lɔ luɔɔi biyic?

• Nɔŋ të cï ɣɛn raan de paanda kɔn riääc yic?
• Nɔŋ të cï ɣɛn këdɛ̈ŋ kɔn cuat tueŋ ka tënë raan de paanda, cï mɛn de alöŋ/gïdhäth ka remote de tv?
• Nɔŋ të cï ɣɛn tiŋdiɛ̈ kɔn jääm në riɛl ago kë de tɔ̈c looi ke cïï cɔk kɔɔr në ye piɔ̈u?
• Nɔŋ të cï ɣɛn yen kɔn them ba tiŋdiɛ̈ cɔk päl këdeen ëkɔɔr bï looi wënthɛɛr? (cï mɛn de, bï lɔ aɣeer kenë mäthke, bï naŋ luɔɔi, luɔɔi de piööc/kuɛ̈n)
• Nɔŋ të cï ɣɛn yen kɔn them ba thɔ̈ɔ̈r wɔnë tiŋdiɛ̈ɛ̈n tɔ̈u në kuan de LGBTIQA+ aguɔ nyaai thïn?

Na nɔŋ thual töŋ de thuɛl cï keek thiëëc thïn ëtënë ca gam ke ye yic, ke loilooikuɔɔn tɔ̈u piiny ëtënë aalëu bïk yïn kony.

Akut de loilooi yenëke röör tuɔɔc thïn – 1300 766 491

Mɛn ye tɔ̈u në thɛɛr kaa 24, në nïn kaa 365 ke ruɔ̈ɔ̈n yiic

Akutnhom de loilooi yenëke röör tuɔɔc thïn (Men’s Referral Service – MRS) alëu bï yïn ya gäm loilooi ke jiëëm ku wël ye jam në ajuiɛɛr de wɛ̈ɛ̈r aciëëk, ajuiɛɛr de muŋ ë mïth, ajuiɛɛr de päl ë miääu ku wɛl ɣɔ̈ɔ̈ŋ, kuɔɔny de pial ë guɔ̈p ku loilooi ke tɔ̈c/rëër tëdun tɔ̈u yïn thïn yic.

Luɔɔi kënnë ee tɔ̈u në thɛɛr kaa 24 yiic, në nïn ka dhorou ke wik yiic, në ruɔ̈ɔ̈nic ëbën – Ëkënë ee yen nyuɔɔth ke kuɔɔny tɔ̈u në thaar thok ëbën të kɔɔr yïn yen.

Yeeŋa ye Akutnhom yenë röör tuɔ̈ɔ̈c thïn kony?

• Röör nɔŋ aciëëk rac ka aciëëk ke tɔŋ/thɔ̈ɔ̈r agokë aciëëken waar yiic.
• Kɔc ke baai nɔŋ kä dhal keek në wɛ̈t de aciɛ̈ɛ̈k ke tɔŋ tënë moc.
• Mäth, kɔc ke baai ka kɔc lui kenë yen lëu bïk tɔ̈u ëke ye tɔŋ looi, ka nɔŋ kä tɔ̈u kek thïn ke tɔŋ de baai, ku nhiaarkë bïkë deet ëtë lëu bï kek keek kuɔny.
• Kɔc ke luɔɔi kɔɔr bïkë raan cï tëëk në tɔŋic wënthɛɛr kony.

Të cɔl yïn Akutnhom yenë Röör tuɔɔc thïn:

• Yïn lëu ba wɛ̈tdu lueel ke yï cïï rɔt cɔk ŋic
• Yïn yenë wɛ̈tdu piŋ ku yïn ye luɔ̈ɔ̈i në kueer de athɛɛk yic.
• Yïn bï wël yök baŋë loilooi ke kuɔɔny tɔ̈u piɔmdun lëu bïk yïn kony ago lööm në kueerdɛ̈t peei lëu bï yïn duciëŋdu cɔ̈kpiny.

Ago yök në kuɔɔny, cɔl 1300 766 491. Yïn lëu ëya ba yök në kuɔny ye gam abac de Akutnhom ë Baai ye thook Waar yiic (Translating and Interpreting Service – TIS) ka webchat daan de jam ago yïn kuɔny ba jam wenë akutnhom de luɔɔi.

Loilooi ke Kuɔɔny de kä wɛ̈ɛ̈r wei

Aguiɛr de Kuɔɔny de kä wɛ̈ɛ̈r wei (Brief Intervention Service – BIS) ee ajuiɛɛr amatnhom de baai ëbën ye jiɛ̈ɛ̈m looi në telepuun yic lëu bï ya kony të tɔ̈u yïn ke yï tït ba yök në ajuiɛɛr de cökpiny de aciëëk ke röör. Alëu ëya bï ya kony të tɔ̈në ajuiɛɛr ke cïï tɔ̈u piɔm rëër yïn thïn, ka të tɔ̈u yïn ke yï cie jam në thoŋ ë Liŋëlith.

Aguiɛr de Kuɔɔny de kä wɛ̈ɛ̈r wei (Brief Intervention Service – BIS) ee ajuiɛɛr ye luui në kaam cekic baŋë ajuiɛɛr de kuɔɔny de telepuun lëu bï rɔt ya looi në kaam de amatmeet yiic. Aguiɛɛr alëu bï yïn kuɔny ba:

• Aciëëkku deet yiic
• ya tïŋ në kuɛɛr lëu bï yïn piɛ̈c ba mukthuɔ̈lïya ya lööm në wɛ̈t de duciëŋdu
• ya piɛ̈c në kuɛɛr yam bï yïn ya naŋ ciɛɛŋ pieth ku ba bɛi pieth lɔwai yiɛ̈knhial.

Na kɔɔr ba yök në Aguiɛr de Kuɔɔny de kä wɛ̈ɛ̈r wei (Brief Intervention Service – BIS), ke yïn kɔɔr ba kɔn cööt tueeŋ tënë Akutnhom yenë Röör tuɔ̈ɔ̈c tënë keek në 1300 766 491. Raan ye kɔc jääm nhïïm abï akölköldu ya ŋiɛ̈c piŋ apieth ku bï yïn jal kony ba lɔ në Aguiɛr de Kuɔɔny de kä wɛ̈ɛ̈r wei (Brief Intervention Service – BIS) yic.

Yïn lëu ëya ba yök në kuɔny ye gam abac de Akutnhom ë Baai ye thook Waar yiic (Translating and Interpreting Service – TIS) ka webchat daan de jam ago yïn kuɔny ba jam wenë akutnhom de luɔɔi. Gël ku thiɛ̈n de wëlku

Aguiɛɛr de tuucë Röör të de Kuɔɔny ku Aguiɛr de Kuɔɔny de kä wɛ̈ɛ̈r wei (Brief Intervention Service – BIS) aye keek mac në Akutnhom de Ciɛ̈n tɔŋ (No to Violence – NTV). Akutnhom de Ciɛ̈n tɔŋ (No to Violence – NTV) acï rɔt gam ago gɛm në loilooi pieth lɔgɔk ku bï lööŋ/yith ya muɔ̈k tueŋ tënë kɔc kedhie ye yök ku yekë luui në loilooikuɔn ke kuɔɔny.

Cï tɛ̈n tɔ̈ yen në Löŋ ë Gël de wël ke raan Act 1988 (Cth), Akutnhom de Ciɛ̈n tɔŋ (No to Violence – NTV) aye kɔɔr bï yïn gäm wël ku jɔl ya tɛ̈n ye ɣok wëlku luɔɔi thïn. Wëlku aabï keek ya tɔ̈ɔ̈u ke cïn raan ŋic keek të cenë tëwën nɔŋ kä cenë keek diɛɛr tënë pial de guɔ̈pdu ka pial de kɔc kɔ̈k, ka tënɔŋ ɣok nhïïm löŋ/yic buk wëlkë tɛkpiny.

Të yök yïn ɣook, yïn bï thiëc na yïn acï puɔ̈l bï wël ë lëk yïn yök rin bï ɣok yïn kuɔny.  Wël kedhiɛ jam në kɔc ye luɔɔida yök alëu bï kek ya luɔɔi në rïthäc ku guɛl/balak cï looi yic – Cï mën de, ciin de kɔc ye cɔl në bɛ̈ɛ̈i yiic ka në ɣän tɔ̈ në pinynhom yiic.  Cɔ̈tdu abï gɔ̈t ku alëu bï ya luui në dhöl ë piath ku piööc.

Të kɔɔr yïn wël juëc kɔ̈k baŋ de lööŋku ku mukthuɔ̈ɔ̈lïya du ku të kɔɔr bï yïn kuen në lööŋ ke gël de wël ke raan, ke athiëcku lɔ në https://ntv.org.au/about-us/privacy/. Yïn lëu ba wël yök në tɛ̈n lëu bï yïn wël dhuɔ̈knhïïm thïn ku ba guɛl/balak looi.

Tɛ̈n lëu benë Luɔi de Wɛ̈ɛ̈r ë thok (TIS National) ya yɔ̈k thïn

Luɔɔi de Wɛ̈ɛ̈r ë thok (TIS National) ee luɔɔi ye gam abac ke cïn wëu ye keek cuatpiny thïn lëu bï yïn ya kony të cïn ë jam në thoŋ ë Liŋëlith ku kɔɔr ba jam në wenë Akutnhom yenë Röör tuɔ̈ɔ̈c tënë keek.

Të kɔɔr ba luui në Ajuiɛɛr de TIS de baai ëbën:

• Yuɔ̈pë namba de 131 450 yic në telepundu yic
• gäm raan lui thïn thoŋ kɔɔr
• të bï yïn yen kɔɔr, ke yï lɔc/kuany lɔn benë yïn waar thok në moc ka tik (bï ya pëk cï tɛ̈n tɔ̈u yen thïn).

Raan de luɔɔi abï yïn ya rek kenë athook/agamlöŋ ye jam në thoŋ de kuatdun, ago yïn kony ba jam wenë Akutnhom yenë Röör tuɔ̈ɔ̈c tënë keek.

Na ye tak ke jamdu abï tɔ̈u në digiik/miniit juëc wär digiik/miniit  kaa 30, ke athiëcku ba cɔk ŋic agamlöŋ/athook agokë ruk në kööl wën bï tɔ̈u ke dït.  

Jam de wɛbthait (Webchat) 

Yïn lëu ba yök në luɔɔidaan de Men’s Referral Service webchat na kɔɔr ba jam wenë raan ye kɔc jääm nhïïm në athöör tɔ̈ në aliiric.

Të cï yïn  linktuanyic, ke athöör de webchat abï rɔt liep yetök në wɛbthait yic. Kuɛɛnë wëlku thïn ku tit bëër/dhuŋnhom de kek tënë akutnhom.

Athiëcku ba ŋic lɔn adɛ̈ ke webchatda atɔ̈u në thoŋ ë Liŋëlith yic. Na ca rɔt gam ba ke yï ye kuen ku ye gät në thoŋ ë Liŋëlith, ke yïn lëu ba kënnë yök ke pieth/rɔ̈ŋ kenë yïn.

Apäm ë wɛbthait cï waar yic kënnë ku  loilooi cï keek gɔ̈t thïn ëtënë aye keek kuɔny ë wëu në Akutnhom ë Ciɛɛŋ de Akuma de kɔc ke Australia.