دا ډیر زړورتیا ته اړتیا لري چې دا ومني چې ستاسو چلند بدلون ته اړتیا لري.

دا پاڼه دا تشریح کوي چې موږ څنګه کولی شو ستاسو سره د غوره سړي، ملګري، پلار یا د کورنۍ د غړي د کیدلو په سفر کې مرسته وکړو.  

له ځانه وپوښتئ:

• ایا ما کله هم د کورنۍ په کوم غړي چیغې وهلې یا ناري کړي دي؟
• ایا ما کله هم د کورنۍ کوم غړی وهلی،ټیله کړی، یا ایخوا ته کړي – یا مې ګواښ ورته کړی دی؟
• ایا ما کله هم د کورنۍ کوم غړی په بدو یا بی ادبه نومونو یاد کړی دی؟ ایا زه په دوامداره توګه پر دوی نیوکه کوم؟      
• ایا ما کله هم د خپل پارتنر مخه نیولې ده چې دوی د خپل ځان لپاره پیسې مصرف کړي؟

• ایا ما کله هم د کورنۍ کوم غړی ویرولی دی؟
• ایا ما کله هم د کورنۍ کوم غړی په مخ کې یا په هغه باندې یو څه غورځولي دي، لکه ګیلاس، څوکۍ یا د تلویزیون ریموټ کنترول؟
• ایا ما کله هم پر خپل پارتنر د جنسي عمل د ترسره کولو لپاره فشار راوړی دی چې دوی یې نه غوښتل؟
• ایا ما کله هم هڅه کړې چې خپل پارتنر د هغه څه کولو څخه منع کړم چې دوی یې کول غوښتل؟ (د مثال په توګه، د ملګرو سره بهر تلل، دنده درلودل، مطالعه کول)
• LGBTIQA+  ایا ما کله هم د خپل  پارتنر د افشا کولو ګواښ کړی دی؟

که تاسو د دې پوښتنو څخه یوې ته هم د هو ځواب ورکړئ، زموږ لاندې خدمتونه کولی شي مرسته وکړي.

د نارینه وو د راجع کولو خدمت (Men’s Referral Service) – 1300 766 491

په کال کې 24 ساعته، 365  ورځې شتون لري

 د نارینه وو د راجع کولو خدمت کولی شي تاسو ته ستاسو په سیمه کې د چلند بدلون پروګرامونو، د والدینو پروګرامونو، الکهولو او نورو مخدره توکو پروګرامونو، روغتیايي ملاتړ او د استوګنې خدماتو په اړه مشوره او مالومات چمتو کړي.

داخدمت 24 ساعته، په اونۍ کې اوه ورځې، ټول کال شتون لري – نو هرکله چې تاسو ورته اړتیا لرئ مرسته شتون لري.

د نارینه وو د راجع کولو خدمت د چا ملاتړ کوي؟

• هغه نارینه چې ناوړه چلند کړی یا ناوړه چلند کوي چه د دوي په چلند کي بدلون راولي.
• د کورنۍ غړي چې د یو سړي د ناوړه چلند لخوا اغیزمن شوي دي.
• د هغو خلکو ملګري، کورنۍ یا همکاران چې ممکن له تاوتریخوالي څخه کار اخلي، یا د کورني او کورنۍ تاوتریخوالي سره مخ وي، او غواړي پوه شي چې څرنګه د دوی ملاتړ وکړي.
• مسلکي کسان چې غواړي د هغه مراجعینو ملاتړ وکړي چې له تاوتریخوالي څخه کار اخلي یا ورسره مخ کیږي.

کله چې تاسو د نارینه وو د راجع کولو خدماتو ته زنګ ووهئ:

• تاسو کولی شئ بې نومه پاتي شي
• تاسو ته غوږ نیول کیږي او په درناوي درسره چلند کیږي
• تاسو به د سیمه ایزو خدماتو په اړه مالومات ترلاسه کړئ چې کولی شي ستاسو د چلند  د بدلولو لپاره د راتلونکي ګامونو په پورته کولو کې مرسته وکړي.

د ملاتړ د ترلاسه کولو لپاره 1300 766 491 ته زنګ ووهئ. تاسو کولی شئ د وړیا شفاهي او کتبي ژباړې خدمت (TIS National)  یا د webchat څخه هم کار واخلئ چي زموږ سره اړیکه ونیسئ.

د لنډې مداخلې خدمت Brief Intervention Service (BIS)

د لنډي مداخلي  خدمت د ملی تلیفون مشورې پروګرام دی چې کولی شي مرسته وکړي که تاسو د نارینه وو د چلند بدلون پروګرام ته د لاسرسي په تمه یاست. دا هم مرسته کولی شي که چیرې یو پروګرام ستاسو د  ژوندکولو په ساحه کې شتون ونلري، یا که تاسو په انګلیسي نه پوهیږئ.

• د لنډې مداخلې خدمت د لنډ مهاله تلیفون ملاتړ پروګرام دی چې په څو غونډو کې ترسره کیږي. دا پروګرام کولی شي تاسو سره مرسته وکړي چي:

• خپل چلند درک کړئ
• دا وپلټئ چې تاسو څرنګه کولی شئ د خپل چلند مسؤلیت په غاړه واخلئ
• د خوندي او سالمو اړیکو درلودلو او خوندي کورنیو جوړولو لپاره نوې لارې زده کړئ.

که تاسو د لنډې مداخلې خدمت ته د لاسرسي په لټه کې یاست، نو تاسو به اړتیا ولرئ چې لومړی د نارینه وو د راجع کولو خدمت ته په 1300  766 491  زنګ ووهئ. یو مشاور به ستاسو کیسه واوري او بیا به تاسو سره د لنډې مداخلې خدمت ته د لاسرسي په برخه کې مرسته وکړي.

تاسو کولی شئ د وړیا شفاهي او کتبي ژباړې خدمت (TIS National)  یا د webchat څخه هم کار واخلئ چي زموږ سره اړیکه ونیسئ.

ستاسو محرمیت

د نارینه وو د راجع کولو خدمت او د لنډي مداخله خدمت د تاوتریخوالي ته نه ویل (No to Violence) لخوا پر مخ بیول کیږي. تاوتریخوالي ته نه ویل دي ته ژمن دی چې د کیفیت خدمت چمتو کړي او د ټولو هغو خلکو حقوق وساتي چې زموږ خدماتو ته لاسرسی لري او کاروي.

د محرمیت قانون لاندي 1988 (Cth)، تاوتریخوالي ته نه ویل دیته اړتیا لري چي تاسو ته ستاسو د شخصي مالوماتو د کارولو په اړه مالومات چمتو کړئ. ستاسو مالومات به شخصي او محرم وساتل شي پرته لدې چې ستاسو د خوندیتوب یا د نورو د خوندیتوب لپاره اندیښنه وي، یا موږ د دې مالوماتو شریکولو لپاره قانوني اړتیا ولرو.

کله چې تاسو موږ سره اړیکه ونیسئ، نو له تاسو څخه به وپوښتل شي چې ایا تاسو د خپل شخصي مالوماتو کارولو ته اجازه ورکوئ ترڅو موږ ستاسو سره مرسته وکړو.  زموږ خدماتو ته د لاسرسي لرونکو خلکو په اړه عمومي مالومات ممکن د څیړنې او راپور ورکولو لپاره وکارول شي – د مثال په توګه، د هر ایالت یا سیمې څخه د زنګ وهلو خلکو شمیره.  ستاسو خبري به ثبت شي او ممکن د کیفیت او روزنې موخو لپاره وکارول شي.

ستاسو د حقوقو او مسؤلیتونو په اړه د نورو مالوماتو لپاره او زموږ د محرمیت پالیسۍ لوستلو https://ntv.org.au/about-us/privacy/   ته مراجعه وکړئ. تاسو کولی شئ د نظر ورکولو یا شکایت کولو څرنګوالي په اړه مالومات هم ومومئ.

د شفاهي او کتبي ژباړي خدمت (TIS National) ته د لاسرسي څرنګوالي

د شفاهي او کتبي ژباړي خدمت (TIS National) یو وړیا خدمت دي چي کولي شي ستاسو سره مرسته وکړي که تاسو په انګلیسي ژبه خبري نشي کولي او غواړی د نارینه وو د راجع کولو د خدمت سره اړیکه ونیسي.

د TIS National خدمت د کارولو لپاره:

• په خپل تلیفون کې 131 450 ته زنګ ووهئ
• اپریتر  ته هغه ژبه ووایاست چې تاسو ورته اړتیا لرئ
• که تاسو غواړئ، د خپل ژباړونکي غوره جنسیت غوره کړئ (په شتون پورې اړه لري).

آپریټر به تاسو د یو ژباړونکي سره وصل کړي چې ستاسو په ژبه خبرې کوي، ترڅو تاسو سره د نارینه وو د راجع کولو خدمت سره په اړیکه کې مرسته وکړي.

که تاسو فکر کوئ چې ستاسو خبرې اترې به د 30 دقیقو څخه ډیر وخت ونیسي، مهرباني وکړئ ژباړونکي ته خبر ورکړئ ترڅو دوی ستاسو لپاره اوږد ملاقات بک کړي.  

Webchat 

تاسو کولي شي زموږ د  نارینه وو د راجع کولو خدمت ویب چت ته د انلاین فورمي په ډکولو سره لاسرسي ولري که تاسو غوره کوي چي د یو مشاور سره خبري وکوي.

کله چې تاسو په لینک کلیک وکړئ، د ویب چت فورمه به په اتوماتيک ډول په ویب پاڼه کې خلاصه شي. یوازې خپل توضیحات دننه کړئ او د خدماتو څخه د ځواب انتظار وکړئ.

مهرباني وکړئ په یاد ولرئ چې زموږ ویب چټ یوازې په انګلیسي ژبه کي  شتون لري. که تاسو په انګلیسي ژبه د لوستلو او لیکلو توان لرئ، نو تاسو ممکن دا یو مناسب انتخاب ومومئ.

دا ژباړل شوی ویب پاڼه او دلته لست شوي خدمات د آسټرالیا د حکومت د ټولنیزو خدماتو څانګې لخوا تمویل کیږي.