Em bai nidim bikpela strong long luksave olsem pasin bilong yu mas senis.

Dispela website em toksave long ol rot mipela ken yusim long helpim yu long kamap gutpela man, partner, papa o member bilong famili yu ken kamap olsem. 

Askim yu yet:

• Gat taim we mi singaut antap o toktok strong long wanpela famili member?
• Gat taim we mi paitim, slapim, kikim o pusim wanpela famili member – o toktok olsem mi bai mekim dispela samting?
• Gat taim we mi tok nogut o rabisim wanpela famili member? Mi save bagarapim o tok nogut long ol olgeta taim?      
• Gat taim we mi pasim partner bilong mi long yusim moni long baim samting em laikim?

• Gat taim we mi pretim ol member bilong famili?
• Gat taim we mi tromoi ol samting long wanpela famili member, olsem glass, chair o remote bilong tv?
• Gat taim we mi putim pressure long partner bilong mi long wokim samting sexual em ol no laik wokim?
• Gat taim we mi traim stopim partner bilong mi long mekim samting em laik mekim? (kain olsem, go wantaim ol friends, kisim wok, wokim sampela study)
• Gat taim we mi pretim LGBTIQA+ partner bilong mi olsem mi bai tokaut long ol?

Sapos yu tok yes long wanpela o moa bilong ol dispela askim, ol service bilong mipela ken helpim yu.

Men’s Referral Service – 1300 766 491

Em stap 24 aua, 365-pela day long wanpela yia

Dispela Men’s Referral Service (MRS) ken helpim wantaim counselling na givim yu information long ol program bilong senisim pasin, program bilong ol papa mama wantaim pikinini, program bilong helpim wantaim alcohol na ol arapela drug, helpim wantaim health na ol accommodation service long area bilong yu.

Dispela service em stap 24 hours long olgeta day, sevenpela day long week, olgeta taim long year – em olsem na helpim stap long wanem taim yu nidim.

Men’s Referral Service save givim sapot long husait?

• Ol man husait bin mekim dispela pasin nogut bipo o laik senisim dispela pasin.
• Ol famili member husait painim hevi long pasin nogut bilong ol man.
• Ol friend, pren, famili o wanwok bilong ol manmeri husait woklong yusim violence, o painim hevi long domestic na famili violence, na laik traim painim rot long helpim ol.
• Ol professional husait laik painim rot long helpim ol client em wok long yusim o painim hevi wantaim violence.

Taim yu ringim Men’s Referral Service:

• Yu ken stap anonymous o bai ol noken save long yu
• Ol bai harim yu na soim respect long yu
• Yu bai kisim information long ol local service em ken helpim yu long bihainim dispela rot long painim senis long pasin bilong yu.

Long painim helpim, ringim 1300 766 491. Yu ken yusim dispela free Translating na Interpreting Service (TIS National) o dispela webchat long helpim yu communicate wantaim dispela service.

Brief Intervention Service

Dispela Brief Intervention Service em national telephone counselling program em ken helpim yu sapos yu woklong wet long go insait long wanpela men’s behaviour change program. Em ken helpim yu tu sapos em nogat program long hap yu stap long em, o sapos yu no save long tok English.

Dispela Brief Intervention Service em telephone support program bilong liklik taim tasol na em ken kamap insait long planti ol session. Dispela program ken helpim yu long:

• luksave long pasin bilong yu
• lukluk gut na save long rot bilong karim responsibility long ol pasin bilong yu
• lainim ol niupela way long kamapim ol safe na healthy relationship na kamapim ol famili em bai stap gut.

Sapos yu laik yusim dispela Brief Intervention Service, yu mas ringim pastaim dispela Men’s Referral Service long 1300 766 491. Wanpela counsellor bai harim stori bilong yu na bai helpim yu long yusim dispela Brief Intervention Service.

Yu ken yusim tu dispela free Translating and Interpreting Service (TIS National) o dispela webchat long helpim yu communicate wantaim dispela service.

Privacy na confidentiality bilong yu

Dispela Men’s Referral Service na Brief Intervention Service em No to Violence (NTV) ronim na lukautim. No to Violence em mekim commitment long givim quality service na holim strong ol rights bilong olgeta manmeri husait yusim ol service bilong mipela.

Aninit long Privacy Act 1988 (Cth), No to Violence em mas givim yu information long way mipela bai yusim personal information bilong yu. Information bilong yu em mas stap private na confidential unless gat wari long safety bilong yu o ol arapela lain, o taim mipela gat legal requirement long givim aut information bilong yu.

Taim yu toktok wantaim mipela, mipela bai askim yu sapos yu tok orait long mipela yusim personal information bilong yu so mipela ken helpim yu.  Ol general information bilong ol manmeri yusim ol service bilong mipela em mipela ken yusim long research na reporting – kain olsem, hamaspela manmeri ringim mipela long ol wanwan state o territory.  Mipela bai recordim call bilong yu na bai yusim dispela long helpim quality na training bilong mipela.

Long painim sampela moa information long ol rights na responsibilities na long ridim privacy policy bilong mipela, plis go long https://ntv.org.au/about-us/privacy/. Yu ken painim information long rot bilong givim feedback o mekim complaint.

Rot bilong painim na yusim Translating and Interpreting Service (TIS National)

Dispela Translating and Interpreting Service (TIS National) em wanpela free service em ken helpim yu sapos yu no save long tok English na yu laik toktok wantaim Men’s Referral Service.

Long yusim TIS National service:

• ringim 131 450 long phone bilong yu
• tokim operator long tokples yu nidim
• sapos yu laik, yu ken makim sapos yu laik toktok wantaim man o meri long tanim tok (sapos em gat inap man o meri stap).

Dispela operator bai putim yu wantaim wanpela interpreter husait save long tokples bilong yu, long helpim yu toktok wantaim Men’s Referral Service.

Sapos yu ting olsem yu bai toktok moa long 30 minutes, plis toksave long interpreter na ol ken mekim taim longpela liklik moa.  

Webchat 

Yu ken yusim Men’s Referral Service webchat bilong mipela sapos yu laik toktok long wanpela counsellor wantaim online form.

Taim yu click long dispela  link, dispela webchat form bai opim em yet long dispela webpage. Putim ol details bilong yu go insait na wet long kisim response bilong dispela service.

Plis luksave olsem dispela webchat bilong mipela em stap long tok English tasol. Sapos yu pilim orait long ridim na raitim samting long English, yu ken yusim dispela olsem wanpela gutpela option.

Dispela translated webpage na ol service em stap long hia em kamap wantaim moni bilong Australian Government Department of Social Services.